Ùrtima Nova
Unu giassu nou po su Comunu18/10/2007, Custu giassu ìnternet nascit aintru de su progettu po sa lìngua sarda chi s’amministratzioni comunali de Gonnacodina at presentau in su 2004 a sa Presidèntzia de su Contzillu de is Ministrus-Dipartimentu po is Affàrius Regionalis, po chi essit finantziau cun su dinai de sa lei 15 de su mesi de idas de 1999, n°482.
Bollit essi una fentana oberta non scetti facci a is fainas politigu-istitutzionalis de su comunu, ma fintzas facci a tottu su chi si movit in bidda.
E po cussu chi ddui podeis agattai initziativas, novas asuba de is fainas de sa Pro Loco, de sa cresia, de sa polisportiva, de sa biblioteca comunali, de su gruppu folk, de sa sotziedadi de cassa…
Su giassu est s’arresurtau de su trabballu de su Servìtziu de sa lìngua sarda fattu a manus de pari cun su Servìtziu Sociali de su comunu.
Bollit essi fintzas una manera po chi su comunu siat prus accanta de is cittadinus chi podint, gràtzias a sa retza, lompi mellus e inderettura de domu insoru a is fainas de s’amministratzioni.
Atras novas
30/05/2008 Gara de appaltu po su servìtziu de Tesorèria comunali.Podeis iscarrìgai su Bandu e tottu sa modulistica in sa setzìoni "Selezioni e gare" de su giassu scritta in italianu.
